كل سنة وكلّكنّ بخير وسلام

9 أغسطس، 2010



كل سنة وكلكن بخير وبصحة جيدة وكل من له طلب ورجاء ان شاء الله يتحقق  من عند الله سبحانه وتعالي
ان شاء الله تكونون في رمضان هذا العام اقرب من الله عز و جل  واكثر في طاعته  ان شاء الله
كنت   طلبت من صديقتنا كلمات من نور عمل جدول للطاعات في رمضان وبالفعل لبت الطلب   في هذا الموضوع اليكم الرابط في الاسفل  جزاها الله خير وشفاها الله وعفاها من كل مرض وسقم وان شاء الله تستطيع ان تصوم معنا رمضان وان لم تسطع  ان شاء الله لها الاجر  كامل
ربنا معاكي يا احلي نور ويشفيكي مما انت تعاني منه ويخفف عنكي كل الم ويهديكي الي الخير







وانا احب ان ازيد اليكم
معايا احضروا ورقة من كشكول نص سنتي    كشكول الهندسة بتاع اعدادي ده عرفينه  ههههههههه

هتسطروا معايا من افقي 30 يوم  وراسي 25  طاعة

الافقي ايام رمضان والراسي الطاعات التي سنفعلها في كل يوم  ارجو ان تكون خفيفة عليكم

 في  بداية كل يوم من الايام الكريمة



1-  النوم علي وضوء  واذكار النوم
2-  السحور
3-  صلاة ركعتين والدعاء ولا تنسي دعاء المسلم عن ظهر غيب فلك مثله ان شاء الله
4-  صلاة الفجر انها صلاة النور جعل الله في وجهكم  ان شاء الله نور
5-  الجلوس للذكر

6- صلاة الضحي
7- النية في الذهاب الي العمل اي تجديد النية في اي فعل خير سوف تفعله

8-  قراءة القرآن  اربع صفحات من المصحف بعد كل صلاة  سوف تنهي الجزء بسلام وامان وان زدت فلك الاجر

9- صلاة الظهر

10- صلاة العصر

11-  صلاة المغرب 
12- الدعاء عند الافطار

13- صلاة العشاء والتراويح

14-  السنن والنوافل

15-  اذكار الاذان
16- الدعاء بين الاذان والاقامة 

17-  الذكر
18- الاستغفار  من لزم الاستغفار جعل الله له من كل هما فرجا  100

19  الصلاة علي النبي  100

20-  الصدقة  تبسمك في وجه اخيك صدقة
21- صلة الرحم  ارفع سماعة التليفون وصل رحمك

22-  حفظ اللسان  من كل شيء وليس النميمة فقط  والسب حتي لو هزار

23- غض البصر

24-  تجديد النية  في التوبة والاقلاع عن الذنب 

25- سبحان الله  و الحمد لله والله اكبر ولا اله الا الله  ولا حول ولا قوة الا بالله 100 مرة

اي ذكر ياريت تبدء بالعدد مائة وان شئت اكثر

نعلم  جميعا ان الهمة والنشاط في بداية الشهر بتكثر  ولكن للاسف نراها  تقل مع نهاية الشهر  فكلما زدنا لا نخشي القليل
فالمساجد في اول يوم بتكون مزدحمة  بكثرة ولكنها مع تقدم ايام الشهر تقل الناس وتكاد ان تختفي  لذا اتمني ان نبدء بالكثير ونكثر ولا نقل اللهم زدنا في الايمان ولا تنقصنا ابدا 



كل سنة وانتم كلكم طيبين   اللهم بلغنا رمضان وليلة القدر


الي كل صديقات المدونة

ايناس   اتمني لك ايام كلها خير وهناء وان شاء الله مع الدعاء تنولي من الله كل ما تتمني في هذة الايام الكريمة يارب تكوني سمعاني

ملائكية  بارك الله لك وبارك عليكي وجمعا بين وبين زوجك في خير ربنا يسعدك ويرزقك بالخلف الصالح 

نور ربنا معاكي ويخفف عنكي


موناليزا  ربنا يرزقك الخير ويطمن قلبك ويريح بالك الله امين ويعوضك خير عن كل شيء فقدتيه او ضاع منكي  وعسكي ان تكرهوا شيئا وهو خيرا لكم ويارب تقدري ان تنهي كتابك علي خير ربنا معاكي

ليس فقيرا من يحب  ربنا يرزقك الزوج الصالح  ومعاه الخير كله ان شاء الله هو افضا مشروع في هذة الحياة 

ام احمد ربنا معاكي ويقويكي علي ما انت فيه ويريح بالك و ينج احمد بسلام ويعبر محيط الثانوية العامة بسلام

الشوكة الناعمة  اوعي تكوني لسة زعلانة عشان مش قولت لك علي اسمي في الفيس بوك كل سنة وانت طيبة

ساسو كل سنة وانت طيبة  ربنا يرزقك الخير

صدي الصمت ربنا يعينك في شغلك ويوفقك  ان شاء الله
الزهرة البرية ربنا معاكي ويرزقك الخير والامان
همسات  يارب يكون نصيبك هذا العام افضل في كل شيء  وتنولي كل ما تتمني ويرزقك الخير والتوفيق ان شاء الله 

لولا وزهرة ربنا يدوم صدقتكم بالحب والخير طول العمر ولا يفرق بينكم حاسد او حاقد او قريب او بعيد ان شاء الله

ليلة شتاء امتني لك السعادة والخير ربنا يكرمك ويرزقك يا قمرايا

محطة الغار دينيا اتمني لك المزيد من التوفيق والنجاح ويارب تقدري تنشري كتابك

مرايتي ربنا يرزقك كل ما تتمني  

مني ربنا يوفقك  في سائر اعمالك وحياتك كلها 

دكتورة ايمان ربي يجعلك سبب دائم في شفاء  مرضاكي وجعل اعملك في ميزان حسناتك
 الحب الجميل  وفقكي الله ورزقكي الخير 

الزمن الجميل  اعاد الله عليكي الايام بخير  وان شاء الله بنوتك الحلوة تشوفيها  موفقة بفضل الله في كل حياتها  بالنجاح والتوفيق لها انم شاء الله 

شفقة  ربنا معاكي ويقدرك علي احسان ربنا يجمعكم ديما في الخير وعلي الخير 






الي كل صدقات المدونة 


ربنا يرزقكم جميعا الخير والسلام  والامان
انا كمان محتاجة دعائكم   ياريت لا تنسوني بالدعاء في رمضان ان ربنا يرزقني الخلف الصالح  وانه يتم شفاء والدي علي خير ويخرج من العناية المركزة علي اي سرير بس نطمن عليه 
ربنا يعينك يا ماما في رمضان ويوفقك ويقدرك  علي كل اعمالك وعلي مرض بابا وعلي اخواتي  

 





















من اراد ان يزيد في الجدول الرمضاني ياريت وياريت كمان تنشروه  مع الزيادة الخاصة بكم وجزاكم الله كل خير 


دمتم بحب وود ولكم من اجمل باقة ورد ودعاء من  اعماق القلب