28 سبتمبر 2009

الشات

تعالي صديقتي نتعرف سويا علي الشات واعرفي تماما اني لست طبيبة نفسية ولا واعظة تريد ان تعدل اخطاء الكون ولكني اخت لك تحبك في الله اريد لي ولك الجنة ورضا الله اريد ان نلتقي سويا بالحبيب صلي الله عليه وسلم يوم الحساب يوم لا تملك نفساً لنفس شيئا والامر يومئذ لله

اولاً - ما هو الشات ؟

الشات ما هو الا لهو الحديث حيث تبادل الاحاديث بأنواعها المختلفة عبر شبكة الانترنت سواء كان في المواقع المختلفة كالياهو والفيس بوك وغيرها وقد ظهرت مواقع جديدة من فترة قصيرة مثل السكند لايف

وهذا الموقع يعتمد اعتماد كلي علي الخيال والوهم

اختي الغالية كل هذة المواقع تدمر عقلية الفرد وتجعله دائما يسعي وراء وهم وخيال وليس حقيقة ستتحقق في يوم من الايام

ثانياً- بما تستفيدين من حديث الشات ؟

هل سعي وراء اكتساب حسنة ولها عشرة امثالها

ام وراء سيئة تكتب عليكي

ان الشات اختي الحبيبة ماهو الا طريق للهلاك لاتستفيدي به بشيء الا مضيعة الوقت ومعرفة السوء اهمال من حولك قطع صلة الرحم افتقاد هواياتك التي تحبيها

هذا اذا كان شات عادي تحدثي فيه صديقة

اما اذا اسخدمتي الشات في حديث مع الشباب بحجة الزواج وغيره

هل تعلمي انه لا يصح ما تفعليه هل تعلمي انك تغضبي الله عز وجل

هل تعلمي انه لهو الحيث فلا يأخذكي الا لوهماً كبير تغرقين فيه وحدك

ابتعدي عن ماهو يضيع عقلك ليس امرمني لك بالابتعاد عن الشات ولكن امنية ورجاء ان تبتعدي عن ما هو شرا لكي عن ما هو يضرك ولا ينفعك

عن خيال تصنعيه بيدك تقضين معه اوقات طويلة من الممكن ان تقضيها مع من حولك من اخوة او تجددي صداقاتك من الطفولة والدراسة

او صلة رحم غابت عنكي فتصليها وتكسبي الاجر والثواب او الاهتمام بوالديكي واخوتك والسؤال عن احولهم وترتيب امورهم من الممكن ان تقضيه في رضا الله عز وجل ابدءي في حفظ القران الكريم او القراءة في فقه الدين

امور كثيرة ممكن تعملي به اذا طغي عليكي وقت الفراغ واصبحتي تشتكي منه فهناك الكثير من الوسائل التي تبعدك عن الشات وشرورههل تعلمي ان حديث الشات هو حديث الكذب يمكن عشرة في المية منه صدق

طيب لماذا تتعبي نفسك وترهقي قلبك في احاديث كاذبة وخيال ذائف واوهام غارقة



هيا تعالي نبدء من جديد

نترك معا ما هو بغيض

ما يغضب الله

ونسعي وراء لقاء الحبيب ورضاه

تعالي اختي نترك كل معصية

ليس فقط الشات و احاديث الشباب

تعالي نبدء ايد في ايد

معاكي يدي هل لي ستبسطي يدك

انتظرك وان شئتي لا تفعلين

فلا يوجد في الحياة من  يرغمك علي شيء

الا حبك لله وطمعك في ان تنولي رضاه


 بل ارادتك القوية وارتقائك بنفسك الغالية الطاهرة

دمتي اختا لي وصديقة

 لي

وادام الله علينا الحب في الله

للحديث بقية

هناك 28 تعليقًا:

ذكرى رحيل قلم يقول...

اسمحي لي

الحمد لله الذي هداني لعمل هذة المدونة
وسعيدة جدا لاني اكتسبت منها عدات كثيرة حلوة
واخوات وصديقات

احب ان احدثك ان هذة المدونة زورها صديقات فقط فهل تلاحظين هذا
اني افعل هذا من تلقاء نفسي

وسوف اكتبي عليها للبنات فقط

فلا احد يرغمني علي ذلك

ولكني اريد ان افعل ما هو صحيح

ولا اريد حجة عليا بل سعيدة بقلة الموجودين وصديقات المدونة

تقبلي تحياتي

(Joudy) يقول...

بجد أحب أحييكى على الموضع ده بصراحة الشات ده أكبر وهم لو كان فى غير موقعه يعنى زى ما ذكرتى وأغلبه كذب ونفاق ونادرا لما تلاقى حد صادق فيه بجد احنا اللى بايدنا نبعد عن شر هذا الشئ واستخدامه فيما يفيد زى أصحابنا واخواتنا لكن فى السئ أكيد طبعا لا

دمتى بكل الخير والسعادة

mimi يقول...

بوست رائع اتمني الجميع يتعلموا منه

يارب يجعله في ميزان حسناتك يارب

تقبلي مروري وصداقتي

موناليزا يقول...

بالتوفيق ياحبيبتى
الموضوع مهم فعلا
ربنا يكرمك عليه

صدى الصمت - عاشقة الورد - يقول...

بجد ربنا يكرمك ويجازبكى خير على كل كلمة قولتيها
ياريت البنات تتعظ بقى
تحياتى

mimi يقول...

يعني المدونة فقط للبنات؟

ولا التعليقات ستكون فقط متاحة للبنات؟

أم بتول يقول...

رهف جزاك الله كل خير و جعله الله فى ميزان حسناتك ، و أن شاء كل من يعمل به فى ميزان حسناتك فالدال على الخير كفاعله ، وياريت يكون فيه استفادة لعدد كبير من الشباب و البنات و قتة ضائع فى الشات و كثيرا ما يقع فى مشاكل بل مصائب بسببه ، وقنا الله و غياك شر الأمور .
دمت بكل ود

♥نبع الغرام♥♪≈ يقول...

الله عليكى بجد بوست اكتر من روعه
ربنا يكرمك وياريت كلنا نستفيد منه
وانا كمان
والحمد لله الذى هدانا لهذا
ربنا يبارك فيكى
وبجد وحشتينى قوووووووووووووى
ايناس

ذكرى رحيل قلم يقول...

السلام عليكم

جودي
نورتي المدونة بعد غياب

وشكرا لمشاركتك في الموضوع

اسعديني
ويارب نفيد ونستفيد

------------------


ميمي
اسعدني مرورك وشرفني وجودك

ادام الله تواصلنا

--------

مونا ليزا

شكرا لك اختي الحبيبة لرأيك
ولمشاركتك الغالية
دمنا بحب وود

--------

صدي الصمت
ازيك يا قمرايا وحشاني

عنك حق ربنا يرحمنا من كل الشرور المحيطة
نورتي
----------

يسعدني يا ميمي انها تكون للبنات فقط

---------

ام بتول

---
ربنا يسمع منك يا حبيبتي ومتشكرة جدا لدعائك
تحياتي

--------

عاشقة الاحزان

اهلا بالغالية
ديما منورة
وانت كمان وحشاني كتير
ربنا يخليكي
وهون عليكي اي هم والم
يارب يسمع منك دعائك اميننننننننننن

تحياتي للجميع

غير معرف يقول...

بما ان حضرتك قافلة التعليقات اسمحى لى اتكلم براحتى طبعا فى البداية انا اسف على التداخل ده رغم علمى انك نفسك تبقى للبنات فقط بجد ده شىء جميل فعلا بس فى الحالة دى لازم تكون مدونة محدودة القراء بمعنى انها تكون مقفولة ومفتوحة للناس اللى تعرفيها وكمان لازم تتاكدى ان الشخصية اللى بتكلمك بين انا عارف ان حضرتك عارفة كل ده بس انا من خلال فترة تدوينى مريت بحاجات كتير عمرى ما كنت اتخيلها وكمان مش عارف انا ليا الحق انى اقولك الكلام ده ولا لاء حاجات ،، انا مدون من سنة واربع ايام بالظبط بس حبيت اتكلم بغير معرف حفاظا على خاصيتك بوجود البنات فقط وفى النهاية باتمنالك التوفيق يارب كنت اتمنا انى اساعد باى شىء دون ظهورى بشخصيتى التدوينية بس انا بردة باحترم رغبتك

اختى الفاضلة لك منى كل الود والاحترام

Unknown يقول...

جــــزاكِ الله خيراً
على هذه النصيحة
الغالية بمعانيها
والعاقل مـــن سمع
فأعتبر وعرف فعقل.

ذكرى رحيل قلم يقول...

نور حياتي

شرفني مرورك واسعدني ردك الجميل

ادام الله تواصلنا
تحياتي

ريمان يقول...

السلام عليكم

لا لا

مش كل الشات بيودى لطريق الهلاك


خلينا منطقين


الشات بيكون فيه تبادل اراء وحوارات واكتساب ثقافه كمان

مالناش دعوه بالناس اللى بيستخدموا الشات فى حاجه فارغه وتافهه وكدب وخداع


لكن هو سلاح ذو حدين


ممكن يستخدم بطريقه كويسه ومفيده وممكن يستغل بطريقه مش كويسه



وشكرا ليكى لاهتمامك لطرح الموضوع لان برضه لازم كلنا نخلى بالنا ونسال نفسنا بنستخدم الشات فى ايه وليه وهدفنا ايه وبرضه لازم نكون محجمين الشات وعاملين حدود وقواعد عشان مش نفتح الشات لكل من هب ودب


تحياتى ليكى وسعيده بمرورى هنا

أم أحمد المصرية يقول...

حبيبتي ذكري رحيل قلم
كل سنة و انت طيبة معلش متأخرة شوية :)
بس قلت استني لما تصوموا السته البيض
لا حرمني الله سؤالك عني

طـائر الليــل الحـزين يقول...

بجد انا معاكى فى كل اللى قولتيه ويارييت الكل يقرى البوست ده ويارييت الناس تفوق من الاوهام اللى بتحب انها تعيشها
ربنا يصلح حال الجميع
وتسلم ايدك واللهى العظيم

ذكرى رحيل قلم يقول...

السلام عليكم
ريمان

انا اسعد بزيارتك
انا عارفة انه هناك عيوب ووميزات وهذ سنعرضه في الحلقة القادمة
ان شاء الله
سعيدة جدا بمرورك وتشريفك للمدونة
ومشاركتك

دمنا بحب وتواصل
تحياتي

ذكرى رحيل قلم يقول...

ام الحمد ازيك حبيبتي الحمدلله اني اطمئنيت عليكي
كل عام وانتي بخير

ذكرى رحيل قلم يقول...

طائر الليل
نورتيني واسعني مشاركتك

اللهم تقبل منا جميعا توبتنا وارزقنا الهدي والعفاف

دمتي بحب وود

------ يقول...

بجد ربنا يكرمك

انا كان نفسى اتكلم على الموضوع دا

لانه مهم جدا ومش عايزة اى بنت تقع فى نفس الموضوع

لو بصيتى هتلاقى بنات كتيرة انجرفت وراء الموضوع دا
كأى بنت كان نفسها تعرف ايه هو الشات

ومكنتش لاقية النصيحة

بس الشات دا
يفرق ايه عن الكلام فى التليفون كلها خيانة للاهل

واصلا الكلام على الشات كله كلام فارغ لايأتى من وراءه بأى نفع

بس
تفتكرى ان المدونة هتقدري تقولى لدا ادخل ودا لا

------ يقول...

وعمر مافيه حب من على النت

صدقونى والله كلها اوهام

وعن تجربة لواحدة صحبتى اتكلمت مع واحد وقالها بحبك ومشى معاها بنفس منهمجها


يعنى الواحد من دول يلاقيقى محترمة يدخلك من باب قال الله وقال الرسول انت تقولى لا دا محترم وحبه حبه هتلاقى دا كله راح ومبقاش غير الكلام المعسول

طبعا هى جت قالتلى لانى اقرب صحباتها انا قعدت انصح فيها يمن شمال خلاص مخها ثبت انه واحد محترم وملتزم وبيحبها

طب ازاى ماهو لو ملتزم ومحترم هيخاف عليكى وهيتقى الله فيكى

المهم وربنا يسامحنى بقى
انا اخدت اميله منها وكلمته على انى واحدة عايزة تتعرف لقيته ماشى معايا بنفس الاسطوانة بنفس الكلمة بنفس الحرف انا قريتها الكلام ومسحت اميلة خالص والحمد لله دلوقتى مفيش ولاد على اميلها

انا مبقلش الكلام دا غير علشان بجد خايفة على كل واحدة سلكت طريق المدونة او الشات
اكيد هتلاقى ناس كتير هيقولواكلام حلو فى المدونة طب ممكن اميلىك طب ممكن رقم تليفونك

وفى الاخر مش هتجنى من كدا غير معصية الله

ربنا يحفظنا ويحمينا

معلش طولت عليكى

بس انا كان نفسى اتكلم فى الموضوع دا من زمان

وبجد مبسوطة انى اتعرفت على مدونة جميلة زى مدونتك

ذكرى رحيل قلم يقول...

السلام عليكم
دموع القمر

نورتيني واسعدني تعليقك جدا لانه مس الموضوع مع تجربة حقيقية
متشكرة جدا لراوية القصة

انا عارفة اني مش هقدر احدد المدونة بس بقول نفسي كمان انا مش هاقدر ارد علي اي شاب فاذا ترك تعليق عادي مش مش برد عليه حتي لا تكون محادثة عبر الانترنت

في المرة القادمة سوف انقل لكم
اضرار الشات وفوائده مع راي الدين في حديث المرأة مع اي رجل اجني
اي غريب عنها
تحياتي

------ يقول...

انا معنديش اى مانع

ربنا يهدى الجميع

جزاكم الله خيرا

------ يقول...

http://teoralgana.blogspot.com/

واكيد هستناكى فى طيور الجنة

ونفسى تنشريها لانها بجد مدونة جميلة وهادفة

بجد يبقى جزاكم الله خيرا

رئـــــيسـة حزب الأحلام يقول...

السلام عليكم
اخبارك ايه ؟ يارب بخير
وكلامك اكيد مضبوط وربنا يهدى الجميع للخير
تحياتى لكى

نهر الحب يقول...

السلام عليكم ورحمة الله وبركاته
أود أن أشكرك أولا على زيارتك لى
ولى عظيم الشرف أن نكون حقا أصدقاء.
جميل جدا ما آثرتيه بخصوص الشات وعندك حق فيوجد الكثيرين ممن يستعملون النت استعمال خاطئ ليش فى الشات فقط ولكن فى شتى الآمور المتعلقة بالنت.

خالص تحياتى

نهر الحب

ذكرى رحيل قلم يقول...

السلام عليكم
رئيسة حزب الاحلام

نورتي المدونة وكل سنة وانت طيبة

ذكرى رحيل قلم يقول...

نهر الحب اسعدني مرورك وشرفني وجودك
سعيدة جدا بزيارتك وبتواصلنا ان شاء الله
شكرا لمشاركتك

تحياتي

Noha يقول...

الكلمه نور ..... و بعض الكلمات قبور