15 فبراير 2010

لو كان القدر صحبي






خاطرة بالعامية كتبتها من  حوالي  ست سنوات  يارب تعجبكم


لو كان القدر صحبي لارسلت اليه تحذير ووصايا علي قلبي بالحب والتقدير

لوكان القدر صحبي 

ما كنت اخاف فراق  وكنت ابوح بحبي وكتبت ع الاوراق غني حبيب عمري للحب والاشواق

لوكان القدر صحبي

وصحبك انت كمان ماكنت اسيت في عمري ولا عرفت الحرمان مع قلب يهوي قلبي ورسيت علي عنوان


لوكان القدر صحبي

ماكنت في يوم انام  وسهرت مع صحبي نحكي وعلي الاحلام  في كل حلم اتمني ان القدر يجمعنا واحلف اني استني بس هو يجمعنا


لوكان القدر صحبي

وصاحبنا الزمان ماكنت في يوم ابكي ولا العمر هان مدام مع قلبي حبك في كل مكان وغنايا مع قلبك باجمل الالحان

لوكان القدر صحبي

اصاحب كل شيء وارسم علي ارضي اول خطو الطريق  وامشي انا وحبي حتي وسط الحريق مايهمني يا عمري حتي الموج الغريق

لوكان القدر صحبي
لو
 طبعني ديه خاطرة عمر القدر ما بيصاحب حد ويقوله علي قدره ما يعلم القدر غير الله عز وجل  

هناك 23 تعليقًا:

لــــ زهــــــراء ــــولا يقول...

ايه الكلام الجميل ده كله
عندك حق القدر عمره ما كان صابح حد
كل حاجه مكتوبه عند ربنا لها وقت وميعاد
ربنا يجعل قسمتك ونصيبك فى الخير والسعاده يااااااااااااارب
تسلم الايادى
عاوزين شغل تانى زى كده

حنين يقول...

السلام عليكم
مبروك يا رهف الشكل الجديد
للمدونه بالتوفيق

حنين يقول...

خاطره حلوه وكلماتها جميله
تسلم ايدك

نهر الحب يقول...

السلام عليكم ورحمة الله وبركاته:
عاملة ايه؟ يارب تكونى بخير دايما
اعذرينى لعدم المقدرة على التواصل معك ولكن الظروف؛بس ربنا ييسر ان شاء الله وأكون معاكى دايما.

خاطرة جميلة فعلا؛دمتى مبدعة دائما.
(لو اطلعتم الغيب لأخترتم الواقع)
الحمد لله على كل ما يعطينا الله.

خالص تقديرى واحترامى

نهر الحب

أميرة الأحلام يقول...

السلام عليكم ...
مبروك ياقمر الشكل الجديد للمدونه
والخاطره جميله جدا
وفعلا زى ماقلتى عمر القدر ما بيصاحب حد
كل شيء بيد الله سبحانه وتعالى
دمتى بكل الخير

ليس فقيرا من يحب يقول...

ولو كان القدر صاحبى

جميله يا رهف

تسلم ايديكى ويارب يسعد قلبك

وماتشوفى شر ابدا

مبروك اللوك الجديد للمدونه

لــــ زهــــــراء ــــولا يقول...

بصراحه احنا خايفين نتعبك
بس انتى حد رقيق اوى
بصى يا رهف معلش ممكن تكتبى لنا الخطوات
وكمان عاوزه احط صوره فى اعلى المدونه واخلى الخط كبير كلمة بالحب اتجمعنا
انا عارفه انى هاتعبك معايا بس انتى اللى عرضتى خدماتك يبقى نطلب بقلب بقى
ربنا يوفقك ومشكوره يا ارق رهف فى الدنيا كلها

ذكرى رحيل قلم يقول...

السلام عليكم

لولا وزهرة


فعلا كل حاجة بيد الله عز وجل
بس القلب بيكلم ساعات
دمتي حبيبة
----------------

حنين

الله يبارك فيكي عقبالك يا جميلة

سعيدة بمرورك وان الخاطرة عجبتك
دمتي بحب وود

--------------------------

نهر الحب
ازيك انت سعيدة بوجودك مرة تانية
ان شاء الله الامور تتيسر
ولا يهمك
دمتي بحب وود
-------------------------

اميرة الاحلام

الله يبارك فيكي يا جميلة

انت اجمل حيبتي
دمتي
-----------------

رنيا ازيك عاملة ايه وحشتيني
متغبيش تاني الله يبارك فيكي يا جميلة

صدى الصمت - عاشقة الورد - يقول...

جميلة قوى وإحساسها عالى
تحياتى

مرايتى يقول...

بجد كلام عبر عن كتير من الى جوى كتير

أه لو كان صحبى بس الحمد لله ربنا يراضينا بقضائه

معلشى اتأخرت بس كان عندى مشكله فى جهازى هى صحيح لسه ما اتحلتش قوى بس اهو بيمشى شويه

ربنا يسعدك يا حبيبتى ويرزقكك من خيرى الدنيا والاخره

مهموهة أحمد يقول...

ذكرى رحيل قلم ......

لو كان بايدينا نصاحب القدر
لكنا نسينا النوم و عرفنا السهر
و لا كنا شوفنا في حياتنا شمس او قمر
مكتوبلنا ما نعرفش قدرنا
علشان نعرف نعيش حياتنا
و الا كانت طول الوقت آهاتنا


حبيبتي شكرا على البوست الجميل ده
و بجد عايزة اقولك ان القدر و ما يخفيه عنا ده نعمة من ربنا لاننا لو عرفنا قدرنا و الغيب
لكانت حياتنا بقت حيرة و خوف باستمرار

لكن كده احنا سايبين كل حاجة على الله
و ربنا كريم اوي اوي اوي و الله

( لو علمتم الغيب لاخترتم الواقع )

تقبلي كل حبي و تحياتي

المسلم الصغير يقول...

السلام عليكم ورحمة الله وبركاته...
كلمات جميلة قوي تسلم ايدك
وألف مبروك يا جميل على الشكل الجديد
تحياتي

غير معرف يقول...

عزيزتي
أهلا بك في اي وقت
تأمري
الملاحظ أنه ليس فقط السيد أحمد عبد الجواد المتحكم بقدر ما هو غليظ القلب
جدااااااااااا
كما أن الرابط بين الأصوات و هنا صوت السواقي المتميز!! بالقرية
مع ما يدور بعقل الطقل أو راوي القصة
في النهاية لا اعتقد أنه حن للأم لكنه حن من أجل الولد الذي هو ذكر و يحبه فترك الأم التي لا تعني له شيئا و حاول قتلها مرات من أجل للطفل
كما طلبت و عرفت أن ابنها الصامت سينجيها
لأنها تعنى لا شيء لدى الأب
*******************************
غيري نوع المتصفح
OPERA
FIREFOX
و افتحي من جديد و حاولي

17 February 2010 20:46

lina يقول...

السلام عليكم و رحمة الله

كلمات معبرة و جميلة بارك الله فيك..

بالتوفيق

لينا.

MaNoOoSh يقول...

اللى يرضى بالقدر هيحس بالراحة

كلمات من نور يقول...

سبحان الله ...هو القدر صاحبنا يا رهف بس احنا اللي بنقنط من اي ابتلاء نبتلى به ونخاصم ونعاند ونلوم القدر .في حين لو تصالحنا معاه حتكون عيشتنا أيسر كتير علشان حنعرف الرضا بالقضاء...تحياتي

غير معرف يقول...

المدونة ما شاء الله حلوة و منظمة
و شكلها آخر جمال
اهديك هذا الرابط للقوالب المجانية
http://www.bloggerstyles.com/

القمرالباكي يقول...

السلام عليكم

جميله وكلها احساس

وكان القدر صحبي

ما كنت اخاف فراق وكنت ابوح بحبي وكتبت ع الاوراق غني حبيب عمري للحب والاشواق

تسلمي

تأثير الفراشة يقول...

ربنا يحقق لك ما تتمنى

حتى لو القدر مش صاحب ، بس صانع القدر ، ربنا سبحانه و تعالى موجود و بيجيب عباده اللى بيدعوه

سبحان الله ، لسه كنت باتكلم عن توقع الخير

ربنا يوفقك لكل خير يا رب ، يا صاحبة الاحساس المرهف، رهف قلبى :)

تحياتى لك

♥نبع الغرام♥♪≈ يقول...

وحشتينى ياقمرى
كل سنه وانتى طيبه واسرتك الكريمة بمناسبة مولد سيد الخلق محمد رسول الله صلى الله عليه وسلم عليه افضل الصلاة والسلام
ويارب بحق الايام المباركه يشفى عن والدك ويشفى جميع المسلمين وربنا يخليه ويبارك فيه ويفضل منور بوسطكم يارب امين امين امين يارب العالمين

ومبروك على المدونه جميله اووى والاستايل رقيق حبيبتى
وكلمات اجمل واجمل
دمتى بكل خير وصحه وحب
اختك
ايناس

ليله شتاء يقول...

السلام عليكم
اولا: كــــــــ سنه ــل وأنــــــــ طيبه ــــــــي
ثانيا: دى اول زياره للمدونه بجد تدوينه أكثر من رائعه حقا اذا يوما ملكنا الاقدار لملكنا نبض القلوب واوقفناه امام العيون الكاذبه
دمتى بخير

NAANOS يقول...

السلام عليكم
مبروك على الشكل الجميل
انا بختلف معاكى عمر القدر ما هيكون صاحب حد لو كان يتصاحب لغير كل واحد قدره
بس ده بيدى الله واحده
وربنا يوفقك والقدر يصحبك
تحياتى وتقديرى
نانوس

حياه بلا عنوان يقول...

السلام عليكم ورحمه الله وبركاته
جميل قوى البوست فبه احساس جميل قوى
فعلا كلمه جميله قوى او كان القدر صحبى
هو سعات بيكون قدرنا كلنا بس احنا اللى مش بنحس بيه فعلا
مبروك الشكل الجديد
تحياتى