حلم كل بنت تحديث

12 يونيو، 2010






كل بنت انهاردة بتحلم بالزواج وفارس الاحلام ما فيش مشكلة خالص ا تتمني واحلمي  الزواج حقك وحقك  ان تحلمي ووتمني زي ما تحبي الزواج شيء جميل جدا في فضيلته مدام الحقوق محفوظة




لكن هل تعلمي شيء عن الزواج هل قرأتي عنه عن ما لك وما عليكي ؟



طيب هل تعلمي ان الزواج تضحية معنوية ونفسية كبيرة جداً هل سألتي نفسك يوما ما انكِ سوف تقبلي بهذة التضحية اه هاقبل بس اتجوز هههههه  طيب


هل تعلمي انك سوف تصبحي مسؤلة عن كيان بيت انت فيه ملكة هل تعلمي انه بعد الزواج احتمال ن يكون لك حماة طيبة  تسعدك   في حياتك الزوجية  او شريرة تعكر صفو حياتك  الزوجية   وتنكد علبيكي وعلي ابنها   مش مهم هاعرف اتعامل معها ان شاء الله  طيب ماليش دعوة يختي اللهم بلغت


اذا كانت طيبة سوف تحمدي الله وخليها في سرك لا احد يعلم  واذا كانت شريرة احمدي الله ايضا ولكن ادعي لها بالهدي




ومن الممكن ان ما يعكر صفو حياتك اختا او اخا لزوجك هكذا الحياة ما فيش سعادة علي طول او هم وغم وحزن دايم وايضا ممكن يكون زو جك هو شخصيا من يعكر لك حياتك  ساعتها ابقي انتحري هههههههههههههههه  ولا  اقولك وووووووووووداعيه





هل تعلمي انك عندما تتزوجي سيتغير كل شيئاُ عندك الا حاجة واحدة فقط هي نظرتك للدنيا في انك ديما بتتمني انك تعيشيها ايوة عايزة اعيش حياتي اياكي ان تلفظي هذا اللفظ لزوجك سوف يفهم غلط اصل الزوج بعده الزواج بيفهم كل حاجة غلط  ولا يصح الا صحيحه هو فقط  انانية ودكتاتورية 





 ولكن عايزة اعيش حياتي جملة  تكرريها بينك وبين نفسك فين ايامي ايام المرح والفرح والهرج والمرج ايوة فين ايام ما كنت فراشة طايرة علي الارض برفرف بجناحين وكل ما في الارض يراني ويتمني ان يكون مثلي علي قدر هذا الاحساس احمدي الله علي انك زوجة وفي بيتك
  فكل بنت الان تتمني ان تكون مثلك زوجة وعلي وشك الامومة
صدقيني اصبحتي شمعة تضيء للاخرين



 ولكن تريدن لك ولنفسك ان تلبسي وتخرجي وتلهو وكأنك طفلة انسي ياماما احلام تلاشت وانتهت اصبحت عروسا جميلا لزوجا يحبك ويغار عليكي طبعا كل مسلم يغار علي اهل بيته


هل تعلمي انكي عندما تتزوجي سيكون ملازك الوحيد هو بيتك فيه تتطبخي وترتبي وتنظفي يعني اعمالك المنزلية كلها هتنتهي في ساعة طيب في ساعتين وخلص اليوم باقي اليوم انت والحيطة صحاب ارغي زي ما انتِ عايزة


 اوعي حماتك تزعلك ترفعي سماعة التليفون وترغي مع صحبتك خراب بيوت
وكمان عقابها شديد عند الله يعني بتأكلي في لحم اخاك ميتاً اوعي تنمي وتوشي بها
ولكن ربنا يهديها




نعم  سوف تنزيفي دمعا ولكن وما صبرك الا بالله

 وعندما يرزقك الله سبحانه وتعالي بببي جميا ياااااااااااااااه سوف تتمني ان ايام الحمل والتعب تتنتهي علي خير وبسرعة عشان ترجعي تاني لنفسك ولملابسك الانيقة الشيك مش بقول لك انسي يابنتي كل شيء هيتغير اولا ستكوني اما كل ما يشغل بالك النونو  احساس جميل انك تكوني ام جميلة ما اجمل هذا الاحساس ربنا  يرزقك به ان شاء الله





   ستكون كل ملابسك عبارة عن فاترينة تزيني بها خرانة ملابسك كلها اعلم انه اكثر من نصفها جديد لم ترتديه من قبل خلاص الوزن زاد والجسد تغير يلا ما فيش مشكلها ابقي اعملي رجيم وده من الصعب عشان النونو بياكل اكلك ههههههههههههههه ابقي قبليني

 هل تعلمي انه ممنوع خالص تقولي فسحني وخرجني بعد الزواج  ة يا عيني  تعرفي ان  طبيعة العمل الحر او العمل الخاص بيسرق لمة الاسرة مع بعضها وبيقضي علي حضنها الدافء ولكن في النهاية لقمة العيش ايوة وبعدين  خروج ايه انت ناسية البلونة طيب لما تخلصي فترة الحمل  الحمل ومتاعبه  انتهي  يااااااااه النونو هتسبيه لمين مش هيهون عليكي  انت ديما في مقام التضحية الاول

 عرفتي بقي ان الزواج مسؤلية كبيرة قوي لابد ان تقرأي عنها جيد ولا تسمعي من احد ولكن عيش اجمل فترة في حياتك ولا تقولي هاعيش حياتي بعد الزواج






بعد الزواج لا توجد مكان لافعال مراهقة بل جدية ومسؤلية وما فيش خروج لوحدك عشان تعرفي كويس عيش خطوبتك علي قدر المستطاع واياكي ان تقولي لا الخطوبة فيها مشاكل كلها مشاكل تافهة ماكلمنيش ما جتنيش ما رحتش ما كلمتش ماما كويس


حاجات كده تافهة
مشاكل بعد الزواج اصعب واصعب ما تقوليش بحبه وبيحبني انسي كان غيرك اشطر محدش بيعرف حد علي حقيقته غير لما يعيش معاه هتعرفي كل شيء عنه بعد ما يغلق عليكما بابا واحدا



وانتي بتعيشي حياتك لا تنسي ذكر الله حتي لا يعكر صفوكم ابليس او شيطان او فاسد من بني الانسان
ربنا يسعدك ويوفقك كمان وكمان

دمتي حبيبتي في حفظ الرحمن



بجد يابنات نفسي اعيش حياتي

 جديد في بريد الجمعة مشكلة المرأة المطلقة وكيف ينظر اليها المجتمع المتخلف المعدوم من الرحمة 
تحياتي http://wwwzkryatnas.blogspot.com/2010/06/blog-post_25.html

 

29 ايه رأيك بقي:

أم الخــلـود يقول...

آه يا نور ياريتني قرأت ما كتبتي قبل 13 سنة كنت ما تزوجت من أصله .. ولكن عسى أن تكرهوا شيئا وهو خير لكم ..

جميل جدا الموضوع وصوره مؤثرة ..

وحشتيني كتير وربنا يبارك فيك ويحفظك .. معليش الظروف متنتورة شويتين والنت بالقطارة .. ويادوب بأدخل أشوف المدونات بسرعة وأخرج آخر الليل وشوية في العصاري ..

لكن أكيد للحديث باقية معك .. وأدعي ليه ربنا يحقق اللي في بالي بسررررعة آمين لأنه أنا أستويت على الآخر.

معليش بفضفضلك شويتين .. تحياتي لك غاليتي ودمتي بخير.

ذكري رحيل قلم يقول...

اهلا بحبيبتي اسعدني مرورك وحشتيني جدا ربنا يحققلك كل ما تتمنيه


يا حبيبتي فضفضي برحتك كلي لك اذان ضاغية
ربنا يرزقك بالخير ويعوضك خير اللهم اجرني في مصبتي واخلف عليا خيرا منها ان شاء الله لكل المسلمين

ان شاء الله هنتقابل

دمتي في حفظ الرحمن

ليله شتاء يقول...

السلام عليكم
الله عليكى نصائح غالية أووووووى

أحساسي اذا عملت بيها كلها على بعضها هتبقى الحياة جنة ههههههههههه

أنا بقى نفسي حماتي تبقى شريرة وأنا أدعلها وأخليها تحبنى وتبقى طيبة بحب الحاجات الصعبة علشان أحس بقيمتها وأحافظ عليها ههههههههههه

لكن أصعب شئ ان يكون زوجك هو اللى بيعكر صفو الحياة وهدعيله برده ربنا يهدية أو ..........!!! هههههههههه


********
حزاكى الله خيرااا
ويارب تعيشى حياتك فى هنا وسعادة وخير يارب

الحب الجميل يقول...

رهف قلبى
مش هقولك غير صدقتى فى كل كلاااااااااااامك

حلم كل بنت انها تتجوز بغض النظر على الحيثيات اللى ذكرتيها

بوست جميل وفيه كلام

دمتى بخير

زهــــراء يقول...

رهــــــــــف


حلو اوى اوى كلامك وبما انى لسه مش دخلت قفص الزوجيه اقولك انى قرات حاجات كتير عن الزواج سواء من الناحيه الدينيه اوا لاجتماعيه
عاوزه اقولك على موقف واحده بعد ولادتها ب 18 يوم تركت بنتها عند جدتها اقصد حماتها وراحت السينما هى وزوجها شوفتى الامهات

كلامك عن جد من واقع الحياه
اتمنى لكى حياه كلها طاعه لله وحب وخير

♥♥ شذا ♥ الروح ♥♥ يقول...

السلام عليكم

وحشتينى ياقلبى اوووى

الله عليكى وعلى موضوعاتك الجميله جعلها الله بميزان حسانتك
وطبعآ كلنا بنحلم وبنتمنا وانا عن نفسى امى دايمآ بتقولى الكلام الجميل ده عشان اقدر اعيش واضحى من اجل بيتى

الحمد لله ربنا يسترها معانا يارب

حساكى امى وانتى بتحكى الموضوع

بحبك اووووووووووووى

كونى دائمآ بخير
ربنا يسعدك يارب ويبعد عنك اى شر

موناليزا يقول...

حلو اوى يا حبيبتى الموضوع ده
ونقلة مميزة جدا فى كتاباتك

كلمات من نور يقول...

يا بنوته انتي بتطفشي البنات من الجواز كده ..........هههههههههههه

الجواز مسؤولية فعلا ومحتاج عقل ووعي نعلم بناتنا وشبابنا علشان مركبهم تمشي بسهولة ويسر حتى لة قامت عليهم بعض العواصف ..........

Mona يقول...

ايه يابنتى أنت بتطفشى البنات ولا أيه ؟؟؟ هم ناقصين ربنا يهدى الجميع

ذكري رحيل قلم يقول...

وعليكم السلام
ليلة شتاء

ربنا يعزك يا حبيبتي ويرزقك بالصالح ويبعد عنك الحماة الشريرة صدقيني مش هتستحملي ادعي بالصالح واتمني الصعب الا في ده وعلي العموم لو نفسك قوي اتجوزي في الصعيد يااه لو خلفتي البنت هتبقي ليلتك شتا فعلا هههههههههههههه
ربنا يرزقك بالخير
دمتي حبيبتي

ذكري رحيل قلم يقول...

الحب الجميل اهلا بالجميلة وحشتيني

ميرسي لتعليقك الرقيق بس ده فعلا عن تجربة شخصية ومحدش قالي حاجة وياريت كانوا قالولي مكنتش هجرب هههههههه
بس انا مختلفة عن البنات لاني مكنش حلمي اني اتزوج خالص لحد ما ربنا هداني الحمد لله علي كل شيء
منورة يا قمر

ذكري رحيل قلم يقول...

زهراء الرومانسية الجميلة وحشتيني يا قمرايا فعلا حياتي وعيشاها
بس انا رحت السينما بعد شهرين وكانت اخر مرةواول مرة و الود كان عايز يرضع ههههههههه
وشبع واتفرج ع الفيلم مرجان احمد مرجان وشاف البنات واندمج ومهمهوش بابا وماما يا عيني ع الجيل الصاعد الحمد لله
دمتي بحب

ذكري رحيل قلم يقول...

شذا الرقيقة انت كمان وحشاني بجد ربنا يسعدك ويرزقك بالخير
سلامي لمامتك ربنا ما يحرمك من حنانها وميرسي يا حبيبتي باحساسك سعيدة به جدا
انت كمان خلي بالك من نفسك
دمتي بخير وبحب جميل

ذكري رحيل قلم يقول...

موناليزا


ميرسي يا قمرايا سعيدة جدا برأيك ربنا يكرمك
بس فعلا يا قمرايا حياة وبنعشها
ربنا يرزقك بالخير والزوج الصالح
دمتي بحب وود

ذكري رحيل قلم يقول...

كلمات من نور

الجواز مسؤولية فعلا ومحتاج عقل ووعي نعلم بناتنا وشبابنا علشان مركبهم تمشي بسهولة ويسر حتى لة قامت عليهم بعض العواصف ما هو ده اللي قالته بس بعين العية الحقيقية ههههههههههههه من غير غش وخداع زي غشوني وضحكوا عليا

وبعدين من كتر العرسان هو حد لاقي ههههههههههههيا نور
ديما وحشاني خليني في بالك

دمتي بحب وود

ذكري رحيل قلم يقول...

مني الرقيقة

حبيبتي حقيقة ام لا حياه وبنعشها علي فكرة في ناس ربنا بيرزقها بزوج فعلا مثقف ورقيق في معملته لها بس الزوج ده بيبقي راقي جدا وبصراحة ما فيش منه دلوقتي سعيدة بمشاركتك جدا ويرزق كل
بنت بالزوج الصالح
دمتي بحب وود ولك وردة من علي البيانو الجميل ده

أم الخــلـود يقول...

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

مرايتى يقول...

حبيبتى

طبعا نصايح غاليه وأكيد الحلو حيحطها فى الحسبان
وفى الأول وفى الأخر الزوج ده رزق وكمان الحمى زى أى رزق من ربنا

أسأله سبحانه أن يرزق الجميع الأزواج الصالحين اللهم أمين ويجعلنا زوجات صالحات

أم الخــلـود يقول...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

أم الخــلـود يقول...

منورة فعلا .. جزاك الله خير الجزاء غاليتي نور..

مع ملاحظة أن اسم العنوان (حملة الجسد الواحد).

وليس تضامنوا مع أمة محمد فنحن نريد للجسد الواحد أن يكون كالبنيان المرصوص

بارك الله فيك

لـــولا وزهـــراء يقول...

ربنا يستر يارهف طمنيتينا ياحبيبتي وصحتيني م الاحلام الوردية على مكواة وبكلم طول النهار حيطة ياعنيا ..هههههههههههه كلامك جميل ونصايح اجمل وقلب اجمل واجمل
لــولا

القمرالباكي يقول...

السلام عليكم ورحمه الله وبركاته

ازيك ياجميل
موضوعك بجد جميل ودمه خفيف والاسلوب حلو وبيلفت انتباهنا لحاجات كتير
الزواج ده مهمه صعبه بالفعل مشاركه حياه مع انسان من بيت غير بيتك وكمان انتي هتبقي طرف مشارك بالمسئوليه ومش بحقوقه وواجباتك بس لا كمان اسرته والناس الي حوليكم
دنيا جديده لازم الطرفين يتحلو بالذكاء والتفاهم عشان يوصلو لبر الامان

بالذات بقي الامومه دي مسئوليه وتعب ونعمه من عند ربنا
ربنا يرزقنا جميعا بالازواج والذريه الصالحه
دومتي بخير

ساسو يقول...

الله يا قمر علي موضوعاتك الجامده طجن
بجد انتي سكره جدا
وكلامك ونصايحك كلها تمام

ربنا يخليكي لينا يا حبيبه قلبي

حياتى نغم يقول...

السلام عليكم ورحمة الله وبركاته

عندك حق والله يا رهف كأنك بتتكلمى بلسانى :)

على قدر ما الزواج نعمه وآيه على قدر ما هو مرهق ومتعب بدنيا ونفسيا .

على قدر ما بفتكر زمان وامشى فى طريق المدرسه وابتسم لتذكرى ايام البنات الجميله ، على قدر ما أحمد الله على نعمةى الزواج وأدعو الله أن يرزق باقى المسلمين والمسلمات .

خالص تحياتى .

ساسو يقول...

صباح الجمال يا قمر
هايله جدا يا حبيبه قلبي
وبجد موضوعاتك كلها مغلفه بالرقه والرشاقه
سلمت يداكي

TWEETY يقول...

ازيك ياطانت
انا مبسوطة انى جيت وزورت المدونة
انا مفهمتش كتير من الكلام
بس هكون مبسوطة لو حضرتك زورتينى
مع السلامة

أتنين حبيبين يقول...

الله عليكى

موضوع جميل
اكيد كلنا هنتعلم منه
ربنا يباركلك يارب

دمتى بكل الخير حبيبتى

احبك فى الله

توتا

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

Uouo Uo يقول...


thx

كشف تسربات المياة
غسيل خزانات
شركة نظافة عامة