يا تاج الزمان يا صدر الحنان

28 أبريل 2009

السلام عليكم من يو مين جاني تعليق من منوش بيقول ان التاج وصل عندي علي فكرة من غير ضحك انا معرفش يعني ايه تاج بس لاقيت منوش مجوبة علي مجموعة من الاسئلة فهمت اننا بنتعرف عليها اكثر من الاول بس بردة ايه اصل حكاية التاج ومين هو اول واحد اخترع التاج بين المدونين اسئلة كتيرة ما علينا المهم ان منوش الجميلة طيبة القلب ارسلته لي رغم انني جديدة وسط المدونيين ولسة بعرف الناس علي مدونتي طبعا منوش مشكورة جداً وديه طيبة قلب منها بس ياريت تصدقوني لو قلتلكم انني فعلا فكرت في التاج وقلت لو جاني سوف اهديه الي موناليزاوالله هي ديه كانت نيتي وسبحان الله تحققت امنية وسوف احقق نيتي موناليزا انسانة جميلة بتحب ربنا قوي ووهي اقرب انسان اقدر افضفض معاها لما بتصيبني حالة الملل المتكررة عندي وطبعا بكل سلاسة بتفوقتي بكلمة وحدة احمدي ربنا علي اللي انت فيه والحمد لله اناديما احمد ربنا بهذا الدعاء اللهم لك الحمد والشكر كما ينبغي لجلال وجهك وعظيم سلطانك اللهم ما اصبح بي من نعمة او بي احد من خلقك فمنك وحدك فلك الحمد ولك الشكر والدنيا مش علطول جميلة وبمبي وبرده مش ديما كحلي بس انا نفسي كل الناس تبقي الحياة عندهم وردي ويعشوها زي ما ربنا كتبها عليهم انا طولت طيب بصوا اعذروني اصل هو ده المكان اللي بعرف اكلم فيه الناس والقي ناس تزورني وازرها لاني بإبختصار افتقدت الصحبة بعد الزواج واصبحت دون صحاب في الدنيا وكمان ماليش جروب علي الانترنت يعني وحيدة كدة بقي وعلي فكرة المدونة ديه عملاها في السر ومحدش يعرف عنها حاجة غير الله سبحانه وتعالي وبتمني انها تدوم لانها الوسيلة الوحيدة اللي بتخليني اتكلم واضحك وافرح زي مكون عايشة معاكم بالظبط احسن من اي جروب تاني مش كده ولا ايه 0

10 ايه رأيك بقي:

موناليزا يقول...

يعنى مش هتجاوبى التاج ولا ايه؟:)
على فكرة انتى فاجأتينى بكلامك وبجد انا بحبك فى الله ومبسوطة جدا بصداقتنا ويارب اكون دايما عند حسن ظنك فيا
وربنا يسعدك ويهيئلك كل خير
وفضفضى براحتك خالص كلنا آذان صاغية

ذكري رحبل قلم يقول...

جاوب انت ياقمر
انت تستحقي كل خير وده اقل حاجة اقدمها لك انت رحبتي بيا كتير وبغيري بس انا اكتر منهم كلهم ولسة انت معايا اجمل صديقة بقلب صدوق وعمري تحياتي لك من كل قلبي

صدى الصمت يقول...

كلنا بندخل المدونات نفضفض ونستريح نفسياً من أعباء الحياة
على فكرة أنا مش فاهمة قصدك ايه بموضوع تشغيل الروابط ال سألتينى عنه ياريت توضحيلى أكتر عشان أقدر أفيدك
تحياتى

MaNoOoSh يقول...

ايه دة.. فين الاجابات؟
مليش دعوة بقى انا عاوزة الاجابات..
طب انشاللة حتى كام سؤال بس مش لازم كلهم يعنى.

Soma يقول...

ايوا يا عم تاجات رايحه وتاجات جايه


يالا جاوبي التاج خلينا نعرفك اكتر ...
تحياتي ومستنيه التاج

ذكري رحبل قلم يقول...

السلام عليكم
صدي الصمت
المدونات ده فعلا حاجة بتخدنا من هموم الدنيا لكنها بتزيد من عبأ الحياة ولا تقلل منه بس عبأ دمه خفبف
شكرا لاهتمامك
دمتي بخير

ذكري رحبل قلم يقول...

منووووووووووش
حبيبتي منوش خلاص مبقاش ينفع انا
هديت التاج لمناليزا وليكي عليا لو جه تاج تاني ها بعتهولك
وبعدين كل حاجة مكتوبة في المدونة في ايه تاني
دمتي بخير يا حلوتي

ذكري رحبل قلم يقول...

سوما
خلاص ياقمر هو جه وهديته يعني راح خلاص يلا بقي

تأثير الفراشة يقول...

ربنا يسعدك دايما يارب ، و تلاقى ضحكتك فى العالم الافتراضى و العالم الحقيقى، انت انسانة حساسة قوى،

و مع ذلك تمسكى بالفرح و لا تشغلى بالك كثيرا بالهموم

ربنا يوفقك و يفرحك دايما

ذكري رحبل قلم يقول...

السلام عليكم
تأثير الفراشة
ميرسي لدعائك لي وكلماتك الجميل
تحياتي