يا مخيلتي

16 أكتوبر 2009

مافيش داعي للرعب نهائي من انفلونزا الخنازير اصدقائي على اولادنا بالمدارس ان شاء الله كل يوم قبل المدرسة بساعة اعطيهم كوب يانسون زهرة-جنزبيل-عسل نحل ولما يرجعوا كوب ليمون برتقال مع ملعقة عسل وزيت حبة البركة نقطتين بس وده متجرب مع ناس اصيبوا بالفعل والحمدلله شفيوا بدون تاميفلو ارجو نشرها

يا مخيلتي تخيلي ويا افكاري تجمعي

وفي عقلي تراقصي دعوتك انا الي الحدائق تتنزهي فتعالي معي لظلال الشجر واجلسي نستدعي معاً صورة الحبيب فعن الحبيب
يا مخيلتي تحدثي من يكون ؟
عاقلاً هو ام مثلي مجنون ؟ وهل فيه سحر العيون ؟ تخيليه. ذو ملامح شرقية فارس وتعشقه الفروسية
شجاعٌ هو وذو بشرة خمريه
يا مخيلتي تخيلي من كل قلبه يهواني .
ولكل عمره يريد قلبي فمعه ينطق بالحب لساني
وعنان قلمي ينطلق كالحر
يصرخ ينادي
هذا هو الحب الذي احتولني
يا مخيلتي تخيلي
بستان من الزهورمعي
اهديه له عندما يأتي اليّ
مهلهلا بفرحة قلبه الجسور
ويقول لي اسمعي
نداء الحب الذي
منحني اجمل حياة
بحبك
فيا مخيلتي تخيلي

24 ايه رأيك بقي:

(Joudy) يقول...

جميلة بجد أحلى حاجة الخيال وأحلى ما فى الخيال إن لا شئ محال تسلم ايدك

دمتى بكل الخير والسعادة

موناليزا يقول...

:)نشرتيها قبل كده فى مدونتك القديمة صح؟

جميلة طبعا
ربنا يسعدك

ذكري رحيل قلم يقول...

جودي

شكرا لك حبيبتي

دمتي جميلة

ذكري رحيل قلم يقول...

مونتي ازيك

بجد ذكرتك قوية

بس يمكن عشان اخر حاجة كنت كتبتها في المدونة القديمة رحمها الله

تسلمي يا قمر

دموع القمر يقول...

جميلة اوى

يسلم قلمك

تحياتى لكى

إيناس عامر يقول...

الأخت الغالية : ذكرى رحيل قلم

بداية أشكرك شكرا جزيلا لمرورك الغالى و تعليقك القيم عندى و الذى أعتز به .. و أشكرك كذلك على نصائحك الغالية بخصوص التدوين .. و أتمنى دوام التواصل الطيب بيننا .. مع خالص تحياتى و تقديرى

إيناس عامر يقول...

الأخت الغالية : ذكرى رحيل قلم

جميل جدا هذا الإبداع و هذا الخيال .. و هذه الرومانسية الرقيقة التى تصور أحلام فتاة فى مقتبل العمر بكل نقاءها و شفافيتها ..

لك منى كل الود و التحية

طـــائر الليــــل الحـــــزين يقول...

الله عليكى
بجد تحفة
تشبيهاتك ملهاش حل
والكلمات فعلا مست القلب
عارفة انا قريت البوست كذا مرة
حسة ان قلبى من جواه اتحرك
وحلم هو كمان بصفات حبيبه
اللى بيحلم بيه

ذكري رحيل قلم يقول...

السلام عليكم
دموع القمر
انت اللي جميلة

سعيدة باعجابك
دمتي

ذكري رحيل قلم يقول...

اينا عامر
تحياتي لك

سعيدة بمرورك ووجودك معي
انشاء الله يدوم التواصل والمتابعة معا ننتظر منكي الجديد واهلا بك في عالم التدوين
دمتي

ذكري رحيل قلم يقول...

طائر الليل

وحشتيني يا قمر
قلبك من جوة اتحرك
سعيدة جدا اني حركته
يارب يشوف الي جمبه ويحس ان في حد بيحبه

بلاش اسرار
طيب

ربنا يكرمك ويرزقك ويهبك نعمة النسيان من اجل حياة جديدة وجميلة

تحياتي

MaNoOoSh يقول...

ازيك يا ذكرى وحشتييييييييييييييني جدا والله يا قمر

عاشقة الأحزان يقول...

الله عليكى ياقمر

بجد لمست كل كلمة قولتيها

ومبروك اللوك الجديد للمدونه تحفه وهايل قووووووووووووى

بس ياريت تكبرى الخط شويه اصله نونو قوووووووووووووووووى

مودتى

عاشقة الأحزان يقول...

السلام عليكم

بصى يا حبيبتى

حضرتك هتدخلى لوحة التحكم الرئيسية
وبعدين هاتى تحرير الرسائل

هيجليك

تحرير وجنبها عرض
ادخلى على تحرير
هتفتح معاكى الصفحه كأنك هتكتبى بوست من جديد
هتلاقى فوق كلمة t بلانجليزى
انزلى بالسهم عليها
وهيجليك انواع الخطوط
بس تكونى محدده الكلام كله الاول بتكون مظللها وبعدين اختارى large
وبعدها اعملى نشر تانى
وهيكون المشكله اتحلت
وكل مرة وانتى بتكتبى البوست
ادخلى على نفس الخطوات
وربنا معاكى
ولو احتجتى حاجه انا تحت امرك
ممكن اساعدك
ربنا يديم الود بينا يارب

كلمات من نور يقول...

ازيك يا فتاتي؟

أنا بنت خالتي عايشة في امريكا كل ما أقابلها عالانترنت و احكيلها توابع الافونننوزا على رأي بنت أختي الصغيرة
تضحك وتقولي إيه الهبل داه إحنا دخلنا مدارس وعادي وعايشيين عادي ومافيش تطعيم

قلتلها عيني علينا بيجربوا فينا ما احنا الدول النايمة

أخ قصدي النامية

وتسلم إيديكي عالكلمات الرقيقة

تأثير الفراشة يقول...

أحييكى أختى على احساسك المرهف و اسلوبك الرقيق ما شاء الله

أنا مابركتش ليك على التمبليت الجديد

ألف مبروك ، ربنا يؤتيكى خيره

دمت موفقة و مبدعة

تحياتى لك دوما

شفـقــة و إحســــان يقول...

ميرسى على المعلومات المفيدة اللى فى اول البوست عن الانفلونزا بجد قيمة جدا

الشجرة الأم يقول...

ما أروع نداء الحب .. إذا كان نابع من القلب.

جميلة هي مخيلتك

سندريلا يقول...

السلام عليكم/ شكرا ليكى على الوصفه وجزاكى الله خرا وبارك الله فيكى



تحياتى لكى/سندريلا

جارة القمر يقول...

رائعة وأكثر

صدى الصمت - عاشقة الورد - يقول...

كلمات جميلة جداً ومليئة بالمشاعر الرقيقة والأحاسيس الصادقة
وكمان النيولوك للمدونة راقى ورائع
تحياتى

TWEETY يقول...

ازيك ياطانت

يارب تكونى بخير

طيـــ الجنه ــــور يقول...

كلماتك جميله قوى


وتعابيرك رائعه

اتمنى دوام التواصل

زهرة الأسلام يقول...

السلام عليكم
جميلة جداويارب يزيدك كمان وكمان
واعتزر لدخولى متأخرةأرجوكى ان تسامحينى