سنوات العمر

30 أكتوبر، 2009

اخشي ان يمر الزمان وتمضي مني سنوات العمر
دون ان اجد الامان ويشرق في الليالي فجر
اخشي ان تظل الشمس محرقة ويظل قلبي في انتظار بدر
قلبي من عاش في الحياة وحيدا يأمل ان يجد الانيس
يأمل ان تشرق في حياتي شمس ان يهل الهلال ويظل حتي يكتمل بدر
فيجمعني مع الحبيب الحلال فلا يجدي بعد ذلك ان تمر سنوات العمر
حيث اني عشت مع الحبيب عمرسواء كان عاما او شهر
عشت معه كل معاني الحب عشت الحياة والحنان ودفء القاب
فبحبه نسيت الزمان كل الاسي والالم والحرمان
معه كل ما حولي تغيرمشاعري بدأت عن حبي تعبر
وتحكي عما بقلبي وتصورفلا يبالي الزمان ما دام ان تحقق الحلم
وعشت مع الحبيب يوم

22 ايه رأيك بقي:

الأحــــــ إيناس ــــــزان يقول...

بسم الله
نتوكل على الله
وناخد اول تعليق

الأحــــــ إيناس ــــــزان يقول...

صباح الورد والفل والياسمين عليكى ياقمر
اخبارك ايةةةةةةةةةةةةةة

ربنا يطمنى عليكى يارب
وبجد وحشتينى قووووووووووى

الأحــــــ إيناس ــــــزان يقول...

الله الله

بجد معاكى ح
تعرفى انا بفضل اقول لنفسى كده كتير
بس بقول فى الاول والاخر الحمد لله على كل حال

بجد كلمات قوية
ربنا يكرمك يارب
ومنتظرين منك المزيد
دمتى بالف خير
ايناس

همســات عــلى ضــوء الــقمر يقول...

مساء الجمال والرومانسية

ربنا يديكى كل الخير

والحمد لله على كل حال
ويارب يديكى اللى تتمنيه

وتعيشى معاه اسعد لحظات حياتك فى حب طاهر وتجيبى كمان ذرية صالحة
بس سمى بنتك على اسمى :)

كلامك جميل يااحلى رهف

موناليزا يقول...

أيه النيو لوك الجامد ده:)

----
كلماتك جميلة ياحبيبتى
ربنا يسعدك

ريمان يقول...

ان شاء الله هيحصل قريب


المهم التفاؤل



وربنا كريم اوى

ربنا يرزقك بيه وتعيشى معاه العمر كله


امين يا رب

طـــائر الليــــل الحـــــزين يقول...

بجد جميلة قوى
انتى تقريبا قولتى كل اللى بنتمناها انا وانتى وكل الى زينا
عبرتى عن الحلم والمشاعر اللى بنحلم نلقياها
بمجموعة كلمات رقيقة قوى
فعلا مست القلب
تسلم ايدك
ويارب يتحقق حلمك

صدى الصمت - عاشقة الورد - يقول...

بإذن الله ربنا هيكرمك بالنص الحلو الحلال ال يكمل معاكى العمر كلة ويسعدك وتتحقق كل أمانيكى وأحلامك
تحياتى

أم أحمد المصرية يقول...

حبيبتي كلمات جميلة جدا و امنيات مشروعة يحلم بها كل البشر
و دايما الحلم اجمل بكثير من الواقع

جارة القمر يقول...

مساءك سكر


حلوة كلماتك

تميزي دوما

أم بتول يقول...

رهف كلام جميل و رقيق ، ربنا يوفقك و تلاقى أملك أن شاء الله

كلمات من نور يقول...

وفقك الله لما يحب ويرضى يا فتاتي ورضى عنك و كتبك في عليوون مع حفظة القرآن الكرام البررة

(Joudy) يقول...

الكلمات بجد جميلة وواقعية والواقع أكتر الخوف من إن العمر يعدى من غير ما يتحقق حلم حلمناه

ربنا يحقق لك كل أحلامك

دمتى بكل الخير والسعادة

رابطة هويتي اسلامية يقول...

السلام عليكم ورحمة الله وبركاته


شاركونا الإحتفال بمرور عام على تأسيس رابطة هويتى إسلامية

كما يسعدنا أن نقدم لكم كشف حساب سنوى عن جميع أعمال الرابطة

بأنتظار زيارتكم الكريمة

أسرة الرابطة

تأثير الفراشة يقول...

أختى الكريمة رهف قلبى ، وحشانى ، و يارب تكونى بخير

أحاسيس مرهفة و رقيقة من شخصية رقيقة و جميلة مثلك

ربنا يوفقك للخير دائما

جارة القمر يقول...

فين جديدك يارب تكوني بخير

عاشق الجنة من الإخوان صلى على النبى يقول...

بصراحة وبجد تسلم الأيادي
والله من أجمل الكلام اللي قريته في المدونات
وجميل قوي الحب الحلال ده
في انتظار زيارتك عشان تنور مدونتي
صلي علي النبي

همس الحنين يقول...

ربنا يكرمك (الحب الحقيقى الصادق افعال لا اقوال فهو شوق واحساس لا كلمات تقال)ربنا يكرمك بهذا الحب مع شريك العمر

الأحــــــ إيناس ــــــزان يقول...

حبيبتى بجد وحشتنى قوى
الف مليون سلامة علي بابا ربنا يشفيه ويتم شفاه على الف خير

مش يهمك خليكى جنبة اكيد هو محتاجكم اكتر من اى وقت
ربنا معاكم يارب
الف مليون سلامة علية يارب

ربنا يشفيه بحق هذة الايام المفترجه يارب

(green eyes) يقول...

كلنا في انتظاره ونأمل ان نلاقاه :$

جميل ما سطرتي من كلمات
وجميل جداا شكل البلوج

تقبلي مروري

ليس فقيرا من يحب يقول...

كل سنه وانتى طيبه يا حبيبتى

عيد سعيد عليكى وعلى كل حبايبك يارب

والف سلامه على والدك ربنا يشفيه يارب

وحشتيييييييييييييييييينى

حنين يقول...

الف سلامه على واللدك وان شاء الله ربنا يشفيه كنت بعيد عليكى
كل سنه وانتى طيبه وكل اسرتك بخير وربنا يحفظلك اهلك