11 أكتوبر 2009

قلبي البريء كلما تي

قلبي البريء خدعته ليه
اخلص في حبك طب خنته ليه
وذنب قلبي كان ابه وايه غير انه حب وفهم الحب
عرف الحياه و آسيت عليه
عرف الحياه و آسيت عليه
قلبي البريء خدعته ليه
كدبة كدبتها حبيت صدقتها
و انا عارفة انا عارفة عارفة نهايتها من يوم ما سمعتها
عارفة بطبعك عارفة بغدرك عارفة انا عارفة
ان يوم هاتيجي وتبعني
لمسة حنانك حسة غرامك بس انا اسفة انا اسفة لو صدقته ها يضيعني .
قلبي البريء خدعته ليه
يلي كنت في يوم حبيبي خدعني قلبك قلت نصيبي
وانا انسانة عايشة حياتي جوة حدودي وملكة آهاتي
و اللي بنا ماضي وراح
طريق مجروح ما فيهوش افراح
قلبي البريء خدعته ليه

هناك 14 تعليقًا:

------ يقول...

ايييييدا


اوووول تعليييق عند حبيبتى رهف

------ يقول...

ماشاء الله


طب التانى


واروح اقرا وارجع

Mona يقول...

بتفكرنى بالكلام الحلو بتاع أغانى زمان - ما شاءالله

------ يقول...

قلبى البرىء خدعته لييه

مش محتاجة اجابة

علشان هو برىء صدق وهم الحب
والكلام المعسول

ومشى معاه بس سابه فى وسط الطريق

سابه فى بحر العذاب
زى الغريق

تحياتى لكى يااحلى رهف

♥نبع الغرام♥♪≈ يقول...

الله عليكى

ايه الكلام الجميل دا كله

تسلم ايديكى
مودتى
ايناس

صدى الصمت - عاشقة الورد - يقول...

حسيت إنها أغنية جميلة لصوت عذب رنان فى الأذن
أحييكِ عليها

موناليزا يقول...

الله عليكِ :)
احساسها عالى جدا

ريمان يقول...

السلام عليكم


كلمات كلها احساس مليانه بالشجن



رائع ما كتبه قلمك

طـائر الليــل الحـزين يقول...

ايه ياقمر
بجد تحفة
لدرجة انى حسيتها تنفع اغنية
بجد اسبتيلى انك لما بتكتبى اى حاجة بتكون حلوة
تسلم الايادى يا قمراية

أم بتول يقول...

لأنه قلب برئ ، و للسف هذا القلب ليس له مكان فى زماننا هذا ، بس بردو الغلط عليها لأنها صدقت هى عارفة ومتأكدة من نهايتها قبل حتى ما تبتدى .
كلمات رقيقة و معانى عذبة تسلم الأيادى رهف .

أم أحمد المصرية يقول...

ايه رقة المشاعر دي يا حبيبتي
بس هو لسه في قلوب بريئة بتتخدع
يا تري غلطةاللي خدع القلب و لا غلطة القلب انه اتخدع

(Joudy) يقول...

كلمات حلوة فكرتنى بأغنية محمد فؤاد القلب الطيب هو كلاهما بيحب وبيتجرح بسرعة وجرحه صعب يتداوى برغم إنه بيسامح . . .

دمتى بكل الخير والسعادة

سندريلا يقول...

السلام عليكم/ اصعب حاجه فى الدنيا هى الخداع لانهم بيكونوا ب100 قناع وللاسف بيكون دورنا ضعيف لاننا بنصدق بس بيجى الوقت علينا ونعرف انهم كدابين بس بعد ايه للاسف بحد ما بنصرف كم كبير من الحب والطيبه والحنيه لاختيار خطاء


تحياتى لكى/ سندريلا

أم أحمد المصرية يقول...

حبيبة قلبي
اوعي تكوني فهمتي غلط اني بتريق علي الرومانسيةو القلوب البريئة انما اشكو الزمان الذي لم يترك مكانا لتلك الرومانسية
حتي لو تاخدي بالك اكتر من تعليق قال انها بتفكره بأغاني الزمن الماضي
دمتي بخير رقيقة المشاعر كما انت


ملحوظة :
مش حعطيك فرصة تمسكي علي كلام رومانسي و تقفشيني
هههههههههه